Arina [SEC-B] - Mizo BL story

" LALRINFEL! I ZAK LAWM NI? ' AN PUI KA NGAIZAWNG E' I TI NGAM ELO?", Pu Hminga chuan tih pahin a fapa Lalrinfela chu a hmaiah a beng hawi sawk a, choka a hmawlh chu va la lawkin a Arina chu a hlap ta vak vak mai a. Nu ber chuan tawp turin ti sateh mahse pa ber thinurna chu tu dan zawh rual anilo. Arina chuan hmangaihna thianglo man chu ngawi rengin a tel chhuak ta parh ani.

Nithar alo inher a, Nilaini, chhun dar 11: 11 chiah chiah ni in, New Hebron Veng information center atang chuan chhiat tawh thu an rawn puang ta ral ral mai.

St. Romanus' Higher Secondary School ho pawhin class lak reh lai tak anih avangin tlangau pawh chu an hre chiang khawp.

" IVAN LALRINFELA, KUM 17, UPA HMINGTHANGPUIA FAPA CHUUU TUKIN ZING DAR 10 : 45 KHAAAN A BO RALA...."

Shool naupang ho chu an meng phawk nasa hlawm khawp Mai. Ni e, an classmate, tu pawi mah sawi ngailo, an school campus-ah pawh star-tu ngah ve pawl tak, lehkhathiam thei si- Ivan Lalrinfela, class 11 sec - B kha ani miau a. Tu pawhin an tuar ru hlawm hle a, mak an ti bawk a. Amaherawhchu, an ni aia mak ti leh tuar bertu chu sec - A lama mi, 'Ivana Bialpa' an tih Mai thin, engtiklai pawha a zui reng thin - Marlin-a Ani.