His System's Malware

Si Aura Maria Guevarra-mas kilala bilang Aoma-ay babae na mahilig sa kontrol ng sarili niyang mundo. Bawat umaga ay may checklist, bawat oras ay may plan, at bawat hakbang ay maingat na ini-execute. Para sa kanya, puwede mong ayusin ang buhay mo gaya ng pag-aayos ng channel sa kanyang youtube channel.

Hanggang sa makilala niya si Cothran Monteverde o kilala bilang Ran.

Si Ran ay IT genius na bagsak sa mga minor subjects gaya ng Rizal, matalino ngunit mabagsik kapag nagalit, at may mundo na mahirap i-decode, at higit sa lahat ay walang pasensya sa mga bagay na hindi niya trip.

Nagtagpo ang kanilang landas sa silid-aralan-hindi romantikong eksena, kundi banggaan ng dalawang magkaibang sistema.

Mula roon, nagsimula ang mga maliliit na glitch: tingin na hindi dapat, sagot na masyadong matalim, tensyong unti-unting kumakain sa kontrol na matagal nang pinanghahawakan ni Aoma.

Hanggang sa isang gabing puno ng ingay, alak, at maling timing, isang simpleng aksidente, ang nagbukas ng mas malalim na gulo.

Para kay Ran, si Aoma ay isang glitch.

Para kay Aoma, si Ran ay malware-parang virus na pumapasok sa buhay niya, binabago ang routine, at sinisira ang sistemang matagal niyang iningatan.

At kung ang isang simpleng virus ay hindi na lang abala, kung 'di unti-unti nang nagiging bahagi ng mundo ni Aoma, ikalulungkot kaya niya kung mawala ito?