The Rhythm Of Our Rivalry

Two worlds. One accident. And a debt that could change everything."
Sa Winchester Royal Institute of the Philippines (WRIP), ang bawat estudyante ay may presyo. Pero para kay Jace Rivera, isang huwarang scholar at Student Council Secretary, ang tanging puhunan niya ay talino at pagpapakumbaba. Simple lang ang pangarap niya ang makatapos ng pag-aaral at maiahon ang pamilya mula sa kahirapan.
Ngunit ang lahat ng ito ay nanganib nang magsalubong ang landas nila ni Alaric Von Winchester ang mapagmataas na tagapagmana ng academy at bokalista ng sikat na bandang The Sovereigns.
Isang maling hakbang. Isang malakas na pagbangga. At isang 18th-century Stradivarius violin na nagkakahalaga ng milyun-milyon ang nauwi sa piraso.
Hindi pera ang hiling ni Alaric para sa nagawang kasalanan ni Jace. Sa halip, gusto niyang maging "Shadow" o personal servant ang "Golden Boy" ng eskwelahan. Mula sa pagtimpla ng kape hanggang sa pagdadala ng gitara sa ilalim ng ulan, kailangang sumunod ni Jace sa bawat kumpas ng daliri ng Dark Prince.
Sa gitna ng bangayan, selos, at ang mabigat na pressure ng elite society, unti-unting mabubunyag ang mga lihim sa likod ng asul na mga mata ni Alaric. Habang si Jace naman ay mapagtatanto na sa likod ng bawat nakakabinging ingay ng kanilang rivalry, may isang himig na dahan-dahang nabubuo...