SINULID SERIES 1: SA WAKAS!

Si Dhana Marasigan ay isang transferee na kasalukuyang kumukuha ng kursong Architecture. Mula nang mawala ang kaniyang pamilya sa isang aksidente, sa lolo at lola na siya lumaki. Sila ang naging sandigan niya at sumuporta sa lahat ng kaniyang pangangailangan sa pag-aaral.

Pagdating sa pagmamahal, todo-bigay si Dhana. Pero dahil sa paulit-ulit na rejection at kahihiyan na dinanas niya noon, nawalan na siya ng tiwala sa pag-ibig. Pakiramdam niya, ang tunay na kaligayahan ay para lang sa mga magaganda at perpektong babae, at hindi siya kailanman magiging kasali roon. Ang buong akala niya ay tuluyan nang nakasara ang kaniyang puso, pero nagbago ang lahat nang dumating si Damin sa buhay niya.

Si Architect Damin Ossorio ay isang seryoso na architect na professor din sa kanilang university. Kahit crush na crush niya ito, pinipilit ni Dhana na lumayo dahil ayaw na niyang maging katatawanan ulit. Higit sa lahat, alam niyang bawal ang ugnayan nila sa paningin ng iba. Pero ang ipinagtataka niya, bakit parang si Damin pa ang gumagawa ng paraan para mapalapit sa kaniya? May kailangan ba ito sa kaniya, o pinaglalaruan lang siya nito bago iwanan ulit?

Hanggang kailan niya kayang iwasan ang nararamdaman kung tadhana na mismo ang naglalapit sa kanila? Si Damin na nga ba ang magtatapos sa kaniyang pag-iisa, o isa lang itong panibagong sakit na muling wawasak sa puso niya?

SA WAKAS