The Mask

අහසේ නිදහසේ පියඹා ගිය ගුවන් නියමුවෙකුගේ ලෝකය, එකම එක වැසිබර රාත්‍රියකින් කඩා වැටෙන්නේ ඔහු පණටත් වඩා විශ්වාස කළ මිනිසුන්ගේ ද්‍රෝහීකම හමුවේය.
​ප්‍රේමය වෙනුවෙන් පූජා කළ ජීවිතයත්, මිත්‍රත්වය වෙනුවෙන් කැප කළ අවංකකමත් අවසානයේ ඔහුට ඉතිරි කර දෙන්නේ බන්ධනාගාරයක අඳුරු තාප්ප සහ 'මිනීමරුවෙකු' යන ලේබලය පමණි. එක් පසෙක පාවාදීමේ මුදලින් රජ සැප විඳින ද්‍රෝහීන් සහ වැරදිකරු දෙස බලා හඬන පෙම්වතියකි. තවත් පසෙක නිරපරාදේ වැරදිකරුවෙකු වී, සමාජයෙන් නෙරපා හරින ලද තරුණයෙකි.
​නමුත්, සිරගෙදර යකඩ ගේට්ටු පිටුපස නිහඬවම තවත් චරිතයක් උපත ලබමින් සිටී. ඒ පලිගැනීම පිපාසය කරගත්, සැබෑ සතුරන් හඳුනාගත්, මුහුණට වඩා බියකරු වෙස්මුහුණක් පැළඳගත් මිනිසෙකි.
​සියල්ල අහිමි වූ තැන ඔහු නවතින්නේ නැත. ඔහු පැමිණෙන්නේ තමාගෙන් උදුරාගත් දේ නැවත ලබා ගැනීමට නොව, ඔවුන් පැළඳ සිටින වෙස්මුහුණු ලෝකය ඉදිරියේ