ANG PAMBANSANG PROVIDER

ANG PAMBANSANG PROVIDER
"Sa pamilyang ito, ako ang pader, ako ang bubong, at ako ang haligi. Pero bakit parang ako rin ang tinatapak-tapakan?"

Si Kianna ay ang depinisyon ng hustle. Sa gabi, isa siyang Virtual Assistant (VA). Sa umaga, siya ang owner ng isang clothing business na may 20,000 plus pending orders, habang nagbabantay pa ng sarili niyang tindahan. Siya ang bumubuhay sa pamilya ng partner niyang si Rico-mula sa renta, kuryente, pagkain, hanggang sa luho ng biyenan niyang si Nanay Ising.
Pero ang kapalit ng kanyang pagod? Isang partner na walang inatupag kundi mag-ML at mag-scatter, isang biyenan na ang turing sa kanya ay ATM, at isang kapatid ni Rico na pati gatas at diaper ng anak ay sa kanya pa iniaasa.

Walang tumutulong sa pag-pack. Walang nagtatanong kung pagod na ba siya. Hanggang sa isang araw, ang lahat ng pinagpaguran niya ay gumuho dahil sa isang maling desisyon ng taong pinakamamahal niya.
Hanggang kailan mananatiling "martir" si Kianna? Matutunan niya bang bitbitin ang sarili niyang mga paa palabas sa toxic na relasyong ito, o hahayaan niyang ubusin siya ng mga taong itinuring niyang pamilya pero itrinato siyang alila?

Samahan si Kianna sa kanyang kwento ng pagtitiis, pagbagsak, at ang matamis na pagbangon.