The Map to Another World

May mga babaeng nangongolekta ng mga lihim.
Siya, mga lugar ang kinokolekta.

Mula pagkabata, mahilig na siyang maglakbay lampas sa mga landas, lampas sa hangganan ng kung ano ang ligtas. Mga daanang masukal, mga nakalimutang lugar, at mga tahimik na sulok ng mundo - para sa kanya, mas malawak ang daigdig kaysa sa anumang mapa sa libro.

Ngunit nang matuklasan niya ang isang lihim na gubat na tila siya lamang ang nakakakita - isang gubat na hindi matatagpuan sa kahit anong mapa - nagbago ang lahat.

Sa ilalim ng isang sinaunang punong may dahong tila pilak, natagpuan niya ang isang bagay na imposible:
isang matandang mapa na kusang nagbabago.

Ang mga landas ay gumagalaw.
Ang mga palatandaan ay nawawala.
At sa pinakasentro nito ay isang daanang patungo sa mundong hindi dapat nag eexist.

Isang mundong tinatawag na Aetherwyn

Sa Aetherwyn, kumikislap ang mga ilog sa ilalim ng kulay-violet na kalangitan, ang mga kastilyo ay nakatindig sa mga batong tila kristal, at ang hangin ay nagdadala ng mga bulong na mas matanda pa sa alaala. Ang mga nilalang doon ay magaganda, kakaiba - ngunit hindi lahat ay mapagkakatiwalaan.

Sapagkat may mali sa Aetherwyn.

Ang mga anino ay nananatili nang mas matagal pagsapit ng gabi.
Ang mga kagubatan ay biglang tumatahimik na parang may nagmamasid.
At may mga kuwentong nagsasabing may sinaunang kapangyarihang muling nagigising sa ilalim ng mga ugat ng mundo - isang dilim na matagal nang naghihintay.

Naghihintay sa bagong mapipili ng mapa.

Ang simpleng pag-uusisa ay naging isang mapanganib na tadhana.
Sapagkat hindi lahat ng mapa ay nagdadala pauwi.

May mga mapang pumipili.

At sa Aetherwyn, ang mapili... ay maaaring maging pinakamapanganib sa lahat.