The Last Meal

Si Heart ay isang simpleng babae mula sa probinsya na may iisang pangarap-ang maging isang sikat na chef sa Maynila. Bitbit ang determinasyon at pangarap, hinarap niya ang magulong lungsod kung saan hindi sapat ang sipag para mabuhay. Para makaraos, naging waitress siya sa isang mamahaling restaurant-isang mundong malayo sa kanyang kinalakihan.

Doon niya nakilala si Jaime.

Isang lalaking misteryoso. Tahimik. Mapang-akit. At tila may tinatagong hindi kayang basahin ng kahit sino.

Nagsimula sa simpleng pag-uusap, nauwi sa mga gabing puno ng tanong... hanggang sa yayain siya ni Jaime sa isang eksklusibong restaurant sa gitna ng dagat-isang marangyang yate na tanging mga mayayaman at makapangyarihan lamang ang may access.

Pero habang lumalalim ang gabi, may kung anong mali.

May kakaibang lamig sa hangin. May mga matang tila nagmamasid. At may lihim na hindi dapat natutuklasan.

Dahil ang restaurant na iyon... ay hindi basta restaurant.

Sa ilalim ng karangyaan, may isang madilim na mundo-isang lihim na operasyon na konektado sa isang ilegal na site kung saan ang laman ng tao ay hindi lang binebenta... kundi pinapanood habang kinakatay.

At ang mga bisita?

Hindi lang mga customer.

Sila ang mga patay gutom sa karne ng tao.

Sa gabing iyon, kailangang mamili ni Heart-

Ituloy ang pangarap niya...
o tumakas bago siya mismo ang maging bahagi ng menu.