RIZAL: GROUND ZERO

Dinukot si Macuh para sa pera, pero sa isang gabi, naging sementeryo ang buong Montalban. Naputol ang lahat ng tulay at hinarangan ang lahat ng daan. Ang utos ng militar sa sinumang susubok lumabas: Shoot-to-kill.

Sa gitna ng libo-libong infected na nagkalat sa kalsada, kailangang magsanib-pwersa ng biktima at ng kanyang kidnapper. Paano ka magtitiwala sa taong sumira sa buhay mo kung siya lang ang tanging hadlang sa pagitan mo at ng mga halimaw sa labas?

Habang yumayanig ang lupa sa mga pagsabog, malalaman nilang hindi lang ang mga 'patay' ang dapat nilang katakutan-kundi ang bawat isa. Walang tulong na darating. Ang tanging batas na natitira: Ang mabuhay.