CIPHER SIX : AFTER HOURS UNIT

Sa loob ng prestihiyosong Archeon Academy-isang paaralang kilala sa malinis at perpektong imahe-may mga lihim na pilit itinatago sa dilim. Kapag tahimik na ang campus at tulog na ang karamihan, saka pa lamang nagsisimulang gumalaw ang mga misteryong walang gustong magsalita.
Anim na estudyante ang piniling bumuo ng isang lihim ngunit opisyal na organisasyon: Cipher Six: After Hours Unit. Sila ang haharap sa mga kasong hindi kayang resolbahin ng iba-mga krimeng nangyayari sa likod ng mga saradong pinto at sa pagitan ng mga anino ng paaralan.
Sa bawat sulok ng Archeon-mula sa classroom hanggang dormitory, mula sa cafeteria hanggang sa labas ng campus-walang ligtas. Kahit sino ay maaaring maging biktima... o salarin. Estudyante, guro, janitor, o kahit simpleng vendor-lahat may tinatagong kuwento.
Habang isa-isang nilulutas ng Cipher Six ang bawat kaso, mas lumalalim ang kanilang pagkakaibigan, tiwala, at damdamin. Ngunit sa bawat sagot na kanilang natutuklasan, may mas malaking lihim na unti-unting lumilitaw.
Sa mundong puno ng panlilinlang at pagtatago-handa ka bang alamin ang katotohanan?