MY LOVELY GIRL

Si Mara Cortez ay maganda, mabait, madaldal, sobrang honest, at certified clumsy girl na laging may kapalpakan sa buhay. Mahilig siya sa pagkain, Stitch at Angel, at simpleng saya, pero hindi siya kaibigan ng matataas na grades. Sa totoo lang, sanay na siya sa line of 7 at pasang-awang scores. Kaya ang huling inaasahan niya ay ang magulo ang mundo niya dahil sa isang seryoso, tahimik, at napakayamang CEO na si Lucien Alcázar.

Magkaibang-magkaiba sila. Kung si Mara ay chaotic at makulit, si Lucien ay controlled, composed, at laging kalmado. Pero sa kabila ng lahat, sa sunod-sunod na hindi inaasahang pagkikita, aksidente, at nakakakilig na moments, unti-unting nabuo ang koneksyong hindi nila parehong inaasahan.

Sa unang pagkakataon, may isang lalaking hindi naiinis sa pagiging sabog ni Mara. Sa halip, mas lalo pa siyang minahal ni Lucien sa bawat kapalpakan, bawat maling nasasabi, at bawat totoo niyang ugali. At sa unang pagkakataon din, may isang lalaking hindi lang nanliligaw para kiligin siya, kundi handang maging seryoso, totoo, at maingat para sa kanya.

Pero habang lalong lumalalim ang relasyon nila, kailangan ding harapin ni Mara ang mga takot na matagal na niyang iniiwasan-ang insecurities niya sa sarili, ang kahinaan niya sa klase, ang pagiging sobrang protective ng pamilya niya, at ang katotohanang ang pagmamahal ay hindi lang puro lambing, tawagan, at kilig. Minsan, kailangan din nitong maging matatag sa gitna ng hiya, kaba, at pagdududa.

Sa mundo ng suit, boardrooms, at seryosong pangalan ni Lucien, isang food-loving, Stitch-obsessed, line-of-7 girl ang biglang pumasok at tuluyang gumulo sa lahat.

At sa mundo ni Mara, isang lalaking akala niya ay sobrang layo sa kanya ang unti-unting naging tahanan ng puso niya.

Dahil minsan, ang pinaka-magulong babae ang siyang pinakamagandang dahilan para matutong magmahal nang totoo.