UƘUBAR IYAYE

Ukubar Iyaye labari ne da yake bayyana haƙiƙanin jarrabawar rayuwa da yadda mutum kan tsinci kansa cikin tsanani ba tare da ya shirya ba. Yana nuna cewa rayuwa kamar tafiya ce mai cike da tudu da gangare wani lokaci ka kan samu sauƙi, wani lokaci kuma ka gamu da wahala mai nauyi. Labarin yana bayyana yadda mutum kan shiga cikin wani hali da zai ji kamar babu mai fahimtar abin da yake ciki. Wani lokaci matsaloli kan zo a jere yau damuwa, gobe ƙunci, jibi kuma wani sabon ƙalubale. Wannan shi ne yanayin rayuwa da ke gwada juriyar mutum da yadda zai iya tsayawa da ƙafafunsa duk da halin da yake ciki. A cikin wannan labari, za a ga yadda wasu jarumai suka fuskanci lokuta masu wuya, inda suka ji kamar sun gaji da gwagwarmayar rayuwa. Wasu lokutan har sukan tambayi kansu dalilin da yasa suke cikin irin wannan hali. Amma duk da haka, sun fahimci cewa rayuwa ba ta tafiya yadda mutum yake so a ko da yaushe, kuma duk wanda yake so ya kai ga nasara dole ne ya dandana wahala, a cikin littafin UƘUBAR IYAYE zaku ji yadda zafin jarrabawa da tsananinta yasa tayi suɓul da baka, wanda ya jefa rayuwar ta cikin tsananin daya fi na baya...