Her Light, My Reflection

Sabi nila, ang dilim daw ay ang kawalan ng liwanag. Pero paano kung 'yung kaisa-isang liwanag na laging nandidiyan para sa 'yo mula sa kumpil, sa birthdays, hanggang sa bawat New Year ay bigla na lang naglaho?

Noong 2018 biglang huminto ang mundo ko. Sa likod ng isang white wall at isang masakit na bulong, nawala lahat ng ingay at tawanan sa sala namin. 'Yung dating punong-puno ng buhay, napalitan ng nakabibinging katahimikan.

Akala ko, doon na matatapos ang lahat. Pero sa gitna ng sakit, nahanap ko ang isang katotohanang hindi ko inasahan.

Heto ang kwento ng pangungulila ko, ng mga memories na pilit kong kinakapitan, at ang pag-realize na ang pinakamadilim na gabi ay simula lang pala ng isang mas maliwanag na bukas. Dahil sa bawat stroke ng make-up na itinuro niya, sa bawat pagsuot ko ng mga damit niya, at sa bawat pagtingin ko sa salamin... narealize ko na nandidito pa rin siya.