Beneath the Amber Sky [HIATUS]

[Synopsis]

Isang sumpa at isang pangako ang nagbuklod sa mga puso nina Daru at Mahalina mula pa noong unang panahon sa Mactan. Gayunpaman, ito ay naudlot matapos magbuwis ng buhay si Daru laban sa mga mananakop noong digmaan sa Mactan. Habang nasa gitna ng pagdadalamhati ang dalaga, nagpakita sa kanya si Bathala at pinangakuan s'yang ang kanyang iniirog ay muling mabubuhay sa susunod na dantaon.

Sa pagdating ng kolonyalismong Espanyol, muling magku-krus ang kanilang mga landas. Ngunit taglay na nila ang bagong pangalan at bagong mundo, ang kanilang nakaraan ay naging malabong gunita na lamang na tila pilit binubura ng tadhana. Sa panahong ito, si Daru ay nabuhay bilang isang ilustradong si Dario Magsalin at nang makauwi sa kanyang bayan, nagsimula s'yang makaramdam ng kakaiba lalo na nang magkrus ang kanilang landas ni Helena Aquilles-ang reinkarnasyon ni Mahalina.

Gayunpaman, magagawa pa kaya nilang kilalanin ang isa't isa kung ang tanging gabay na natitira ay ang pintig ng pusong nakalimot? Maaalala pa kaya nila ang mga pangakong binitawan sa ilalim ng kahel na langit?