Walang Ate si Ate

Sabi nila, matatag ang mga Ate.
Sila ang unang inaasahan kapag may problema,
ang unang tinatawag kapag may kailangang gawin,
at ang huling pinapakinggan kapag sila naman ang napagod.

Si Elena "Lena" Reyes ang panganay.
Tahimik, responsable, at sanay unahin ang iba bago ang sarili.

Sa bahay nila, siya ang tumatayong pangalawang magulang.
Sa mga kapatid niya, siya ang sandalan.
At sa mata ng lahat, siya ang dapat laging matatag.

Pero paano kung mapagod si Ate?

Paano kung dumating sa puntong wala na siyang masabihan?
Wala siyang malapitan?
Wala siyang... Ate?

Sa mundong lahat ay umaasa sa kanya,
sino ang sasalo kapag siya naman ang unti-unting bumibigay?

At sa katahimikan ng gabing walang nakakapansin,
isa lang ang tanong na paulit-ulit na bumabalik sa kanya-

Paano kung walang Ate si Ate?