DARK FILES:02(BENEATH THE MOONS DARK EYE)

Kasabay ng pagbilog ng buwan ang paglabas ng mga lihim ng mga nilalang na nagkukunwaring kagaya natin. Sa pagsapit ng gabi, makikitang nag-iiba sila ng anyo at kapag namataan mo ang mapupula at nanlilisik nilang mga mata, asahan mong nasa bingit ka na ng kamatayan.

Naniniwala ka bang hindi lang tayo ang nandirito sa mundo? Kasi ako, oo. Naniniwala akong may mga ibang nilikha na mayroong mga matatalas na ngipin, matatalim na mga kuko, nakakahindik na anyo na kumakain ng mga tao na kagaya mo. Sila ay mga nagbabalat kayo. Sa umaga sila'y mga kawangis nating tao ngunit sa pagsapit ng dilim, sila'y mga halimaw na sumisipsip ng dugo at kumakain ng mga laman loob ng tao.

Bukod doon, may mga nilalang din sa ilalim ng tubig na akala mo'y hindi totoo at gawa-gawa lang ng malilikot na utak ng tao. Pero ang hindi mo alam, tahimik lang silang nagmamatyag sa'yo mula sa ilalim ng dagat. Kagaya ng mga halimaw na nasa lupa, karumal-dumal din sila kung umatake sa dilim.

Kaya maging mapagmasid. Dahil sa mundong puno ng hiwaga at misteryo, baka ang taong kaharap mo ay hindi pala talaga totoong tao. Mag-ingat sa mga nilalang na normal sa umaga ngunit pagsapit ng gabi ay nagiging mabangis na halimaw na kumikitil ng buhay para mabuhay.

Short Horror Anthology Series#2

Anonymous_Petals