Between the Waves and the Flame

Si Clara ay parang dagat-tahimik, malalim, at sanay na mag-isa. Sa ilalim ng bigat ng kanyang mga pangarap at ng responsibilidad sa kanyang pamilya, tila wala nang puwang ang pag-ibig. Hanggang sa isang gabi ng bagyo, napadpad siya sa isang bar na malayo sa kanyang mundong kinagisnan.

Doon niya nakilala ang isang lalaking may mga matang tila nagliliyab na apoy. Walang pangalan, walang pakialam sa bukas. Sa pagitan ng mga baso ng alak at ng himig ng ulan, nagtagpo ang kanilang mga mundo. Isang gabi ng "alab" na nagpainit sa nanlalamig niyang puso.

Ngunit ang umaga ay dumating na may dalang lamig ng katotohanan. Umalis si Clara nang walang pasabi, bitbit ang alaala ng isang estranghero.

Ang hindi niya alam, ang lalaking iyon ay si "Julian", isang matagumpay na arkitekto na sanay makuha ang lahat ng gusto niya-maliban sa babaeng tumakas sa kanya sa gitna ng gabi. Nang muli silang pagtagpuin ng tadhana sa isang malaking proyekto sa probinsya, kailangang mamili ni Clara: hahayaan ba niyang tangayin siya ng mga "alon" ng nakaraan, o hahayaan niyang tupukin siya ng "alab" na muling nabubuhay sa bawat titig ni Julian?

©️ 2026 Hana Ogata (hanaogata)