Wrong GROOM Right HUSBAND

At twenty-two, si Erin Escallante ay isa lamang masayahin at simpleng babae na may malinaw na pangarap- ang pakasalan ang lalaking matagal na niyang minahal.

Handa siyang gawin ang lahat para sa mga taong mahal niya.

Pero sa isang iglap, nagbago ang direksyon ng buhay niya.

Sa halip na ang best friend niyang si Dustin, napangasawa niya ang pinaka-mapanganib na Monteverde. Ang kuya nito:

Reeve Monteverde.

Isang misteryosong lalaki na may madilim na reputasyon.
Isang dating bilanggo.
Isang taong hindi madaling lapitan-at lalong hindi madaling kalabanin.

Ngayon, bilang batang asawa ng isang mapanganib na lalaki, napasok si Erin sa mundong hindi niya kailanman pinangarap.

Habang pilit niyang pinananatili ang pagiging masayahin at matatag, unti-unti niyang napapansin ang mga bagay na hindi niya maipaliwanag.

Hindi siya kinokontrol ni Reeve.
Hindi rin siya nito pinipilit.

Pero laging may bantay sa paligid niya.
Laging may taong sumusunod kapag umaalis siya.
Laging may dumadating na tulong bago pa siya humingi.

At sa bawat pagkakataong may nagtatangkang manakit sa kanya-
si Reeve ang unang nakakaalam.
Si Reeve ang unang kumikilos.

Tahimik.
Mabilis.
Walang tanong.

Hindi niya alam kung proteksyon ba iyon-
o pagmamay-ari.

Dahil habang sinusubukan niyang maging mabuting asawa sa lalaking halos hindi niya kilala, may isang bagay na dahan-dahan niyang natutuklasan:

Ang kanyang asawa ay hindi marunong magsabi ng nararamdaman.

Pero kapag siya na ang usapan-handa itong gumawa ng kahit ano.

At sa mundo ng isang mapanganib na lalaki,
ang katahimikan nito ang pinaka-nakakatakot na paraan ng pagmamahal.