Midnight killer

Kasiyahan ba ang ipanganak sa isang mayamang pamilya kung kapalit naman nito ang iyong kalayaan?

Sa mata ng iba, perpekto ang buhay ni Savannah Ashley Devin-nakatira sa isang mala-palasyong mansiyon, nagmamay-ari ng kapangyarihan at kayamanan na pinapangarap ng marami. Ngunit sa likod ng marangyang mundong iyon ay isang buhay na parang kulungan.

Isang mundong walang halaga ang pag-ibig.

At ang pagmamahal ay itinuturing na kahinaan.

Mula pagkabata, iyon na ang kinamulatan ni Savannah-ang paniniwalang ang kapangyarihan at kayamanan lamang ang mahalaga. Kaya kahit masakit, natuto siyang yakapin ang malamig at baluktot na paniniwala ng pamilyang pinagmulan
.
Hanggang sa dumating sa buhay niya si Khaizer Amethyst Sandoval.

Isang misteryosong dalagang pumasok sa mansiyon ng mga Devin bilang personal assistant at bodyguard niya.

Sa hindi inaasahang pagkakataon, ang pusong matagal nang nanlamig ay unti-unting nagkaroon ng init.

Ang babaeng hindi marunong magmahal ay natutong makaramdam.

Ngunit ang pag-ibig na iyon ay may kapalit.
Dahil nakatakda na siyang ikasal sa tagapagmana ng makapangyarihang pamilyang Sandoval-isang kasunduang magbibigkis sa dalawang makapangyarihang angkan.

Magagawa bang ipaglaban ni Savannah ang pag-ibig sa mundong kontrolado ng kapangyarihan, kasinungalingan, at karahasan?

Handa ba siyang talikuran ang lahat-ang kayamanan, ang pangalan ng pamilya, at ang mundong nakagisnan-para sa babaeng mahal niya?

Ngunit paano kung isang araw ay matuklasan niya ang isang lihim tungkol kay Khaizer?

Isang lihim na kayang sirain ang lahat ng pinaniwalaan niya.

Isang lihim na magpapakita na sa likod ng inosente at maamong mukha ng dalaga ay maaaring nagtatago ang isang halimaw.
Magagawa pa ba niyang mahalin ang babaeng maaaring sumira sa buhay ng pamilya niya?

O isa lamang ba itong malaking kasinungalingan?
Si Khaizer nga ba ang tunay na Midnight Killer-o isa lamang siyang biktima ng isang mundong kayang bumili ng hustisya gamit ang salapi?