BROKEN PIECES

Minsan, ang pinakamalaking pagkakamali ng isang tao ay ang magmahal nang higit sa kaya niyang ibigay.

Kung ang pagmamahal sa kaniya ay isang pagkakamali... handa ka pa rin bang isugal ang lahat?

Pipiliin mo pa rin ba siya kahit na alam mong hindi ka niya kayang piliin sa lahat ng oras? Kahit na paulit-ulit ka niyang wasakin, biguin, at saktan?

Masasabi mo pa rin bang iyon ay tunay na pagmamahal... o isa na lamang makasariling hangarin na pilit mong pinanghahawakan?

Hanggang saan ang kaya mong ialay para sa taong mahal mo?

Handa ka bang ibigay ang sarili mong buhay para sa lalaking pinakamamahal niya?

Dahil paano kung dumating ang araw na ikaw na lamang ang nag-iisang pag-asa upang madugtungan ang buhay ni Arki-ang lalaking paulit-ulit na pinipili ni Celeste?

Ano ang gagawin mo kung ang iyong buhay ang kapalit ng kaligayahan niya?

At paano kung hindi lang isa ang kalaban mo-kundi ang buong mundong naghihintay sa iyong kamatayan?

Ikaw laban sa mga taong nais magwakas ang iyong buhay.

Paano ka lalaban kung ang mismong taong ipinaglalaban mo ay hindi ikaw ang pinili?

Pipiliin mo bang manatiling matatag... o yayakapin na lamang ang madilim na mundong naghihintay sa iyong pagbagsak?

Isang mapakla at malungkot na ngiti ang kumawala sa kaniyang mga labi.

Kasabay ng pagputok ng baril na umalingawngaw sa loob ng sasakyan, ang huling mga salitang binitawan niya ay nanatiling nakaukit sa katahimikan-

"A love I can't forgive."

Ngunit tunay nga bang tinapos niya ang sarili niyang buhay upang sundin ang kagustuhan ng nakararami?

O may ibang kamay na humila sa gatilyo?

Isang kaaway ba?

Isang tagapagtanggol?

O marahil... isang karibal sa pag-ibig?