The Art of Breaking You

Sa mundong puno ng ingay, may mga taong halos hindi marinig ang pangalan.

Isa na doon si Alaina Gail Ortega.

Tahimik. Matigas ang loob. Lumaki siyang kapos sa lahat: pera, oportunidad, at minsan kahit pag-asa.

Sanay na siya sa hirap.
Sanay na rin siya sa malas.

Pero may isang bagay na hindi niya kailanman pinakawalan-
si Dianne.

Ang pinsan niyang parang kapatid na rin niya. Ang nag-iisang taong naniwala sa kanya.
Sa bawat araw na muntik na siyang sumuko, si Dianne ang dahilan kung bakit hindi niya ginawa.

Hanggang sa isang umaga...

nagising si Alaina sa katahimikan na parang may kulang.

At meron nga.

Wala na si Dianne.
Hindi dahil umalis.
Kundi dahil pinili nitong wakasan ang sarili niyang buhay.

Ang dahilan?
Isang pangalan na hindi niya malilimutan-
Brix Zafer Cavillo.
Leader ng bandang Scorpo. Mayaman. Kilala. Lapitin ng babae.
Yung tipong hindi na kailangang manligaw dahil kusang nahuhulog ang lahat sa kanya.

Isa na doon si Dianne.
Hanggang sa iniwan.
Niloko.
At tuluyang nawala.

Doon niya ginawa ang desisyon.
Hindi siya maghihintay ng hustisya.
Siya ang gagawa nito.

Kung si Brix ang dahilan ng pagbagsak ni Dianne, siya naman ang magiging dahilan ng pagbagsak ni Brix.

Doon nagsimula ang plano-
Papasok siya sa mundo nito.
Kukunin niya ang tiwala.
At kapag tuluyan na itong nahulog sa patibong niya...

Saka niya ito sisirain.
Dudurogin niya ang pagkatao nito tulad ng ginawa niya kay Dianne.

Simple.
Perpekto.

Pero paano kung imbis na magtagumpay sa plano,
bigla siyang mahulog dito?

Sa laban na ito...

Sino ang magwawagi?
At sino ang tuluyang mawawasak?