PRINCE AYEN: THE ONE NEVER CHOSEN

Sa mundong Arkemia, kung saan ang lahat-maharlika man o karaniwan ay kailangang mag-aral sa Akademya ng Mahika, isang prinsipe ang namumuhay sa ilalim ng maling pagkakakilanlan.

Si Ayen, ang bunsong prinsipe ng kahariang Luminia, ay kinamumuhian at pinaghihinalaang masama ng halos lahat. Dahil sa isang trahedyang dulot ng kanyang katigasan ng ulo, siya ang sinisisi sa pagkamatay ng reyna-at mula noon, anumang gawin niya ay laging nagiging mali sa paningin ng iba. Sa Akademya, lalo lamang tumindi ang paghusga sa kanya: tinatawag siyang papansin, mang-aagaw, at hindi karapat-dapat, kahit pa kabilang siya sa prestihiyosong grupong Andrailes.

Ngunit sa likod ng kanyang tahimik at palpak na imahe, may tinatagong damdamin si Ayen-isang pag-ibig para kay Kyrex, ang prinsipe ng kahariang apoy na Fyroxia. Isang pag-ibig na walang pag-asa, sapagkat galit sa kanya si Kyrex dahil sa isang nakaraan na hindi naitama. Mas lalo pang pinahirap ng kapalaran ang lahat nang matuklasan nilang sila ay nakatali sa isang sinaunang kasunduan: ang kanilang nakatakdang kasal.

Habang pilit na tinataboy ni Kyrex si Ayen upang mapawalang-bisa ang kanilang kasunduan, lalo namang nalulunod si Ayen sa mga intriga ng Akademya-sa gitna ng mga prinsipe at prinsesang may kanya-kanyang hangarin. Nariyan si Haizen, ang misteryosong lider ng Andrailes na hinahangaan at pinag-aagawan ng lahat, kabilang si Kyrex at si Asken, ang perpektong kuya ni Ayen. Samantala, ginagamit lamang si Ayen ng iba, tulad ni Damouz, upang mapalapit sa nag-iisang kaibigan niyang si Beatrice.

Sa isang mundong puno ng kapangyarihan, maling akala, at pag-ibig na hindi nasusuklian, si Ayen ay patuloy na bumabagsak-laging mali, laging pinagbintangan, at kailanman ay hindi pinili.

Ngunit paano kung ang prinsipe na palaging isinasantabi...
ang siyang nakatakdang magbago ng kapalaran ng buong Arkemia?