FOREVER

"Forever"

එයා ඉස්කෝලෙම නපුරුම කෙල්ල.
ගහගන්න, පන්ති කට් කරන්න, ක්‍රිකට් ගහන්න,බයික් රේස් යන්න තමා ආසම.
බැජ් එකේ නමට වඩා "මැර කෙල්ල" කියන නම ප්‍රසිද්ධයි.

මම පන්තියේ කටකාරි.
කට ඇරියොත් නවත්තන්න බෑ. කියවනවා, හිනාවෙනවා, අඬනවා ඔක්කොම වැඩියි.

ලෝකෙට අපි අහසයි පොළවයි වගේ.
ඒත් ම දන්නවා, එයා රෑට නින්දෙන් බය වෙලා අඬනව කියලා.
එයා දන්නවා, මම සෙනඟ මැද්දෙ හිනා වෙලා තනියම අඬනව කියලා.

මම එයාගෙ රිදුනු තැන් වලට බෙහෙත් තිබ්බා. කවදාවත් අම්මෙක්ගෙන් නොලැබුණ ආදරේ මම දුන්නා.
එයා මගේ ඉස්සරහින් හිටගත්තා. කවදාවත් තාත්තෙක්ගෙන් නොලැබුණ ආරක්ෂාව එයා දුන්නා.

මම එයාට අම්මා උනා.
එයා මට තාත්තා උනා.

"අපි ආදරේ කළේ නෑ. අපි ජීවත් උනා. එකිනෙකා ඇතුලෙ."

ඒත් ඉරණම අපිට අම්මෙක්වත් තාත්තෙක්වත් වෙන්න දුන්නෙ නෑ.
එයා යන්න ගියා. ආයෙ ඒවිද එයාමයි දන්නෙ
ඉතුරු උනේ මගේ පපුවෙ ලොකු හිස් තැනක් විතරයි. ❤️‍🩹