I will find you, even in the dark. (Connection of hearts Series #3)

Teaser

Bunso sya at sya ang dú shēng nǚ (Unica Hija) ng kanyang pamilya. At dahil mayaman sila naging napakadali sa kanya ang makuha ang mga bagay na gusto nya. Nagbago lang naman yon ng makilala nya ang isang binata. Nung una ay curious lang sya dito, dahil mukha itong lampa at mahina, Laging nakasalamin na parang isang nerd, pero laking gulat nya ng makita itong tumalon sa mataas na pader ng kanilang school.

Talagang namangha sya at bumilib kaya simula noon lagi na nya itong inaabangan tuwing tatakas ito at lalabas ng kanilang school.

Hanggang Isang araw, nalaman nya na kilala pala ito ng kanyang gēge (older brother) at ng kanilang pinsan na si Rick. Naging madalas ang kanilang pagkikita ng lagi na itong kasama ng kanyang kuya at pinsan. Naging madalas ang pagpunta nito sa kanila.

Hindi nagtagal ay nagkakilala din sila at habang lumilipas ang mga araw napansin nya na bumibilis ang tibok ng puso nya tuwing kasama ito. Gusto nya ang masayang pakiramdam na iyon pero buhat ng mangyari ang isang trahedya na gumimbal sa kanilang lahat ay lagi ng malungkot ang puso nya tuwing makikita ito.

Naging mahirap makuha ang saya at kaligayahan na tanging gusto nya.

May pag-asa pa kaya na bumalik sila sa dati?