Tied to You

Apat na taong gulang pa lang kami nang makilala ko ang batang naging buong kababata ko.
Sabay kaming lumaki dahil magkaibigan ang mga magulang namin. Kasama ko siya sa bawat laro, bawat tawanan, at bawat alaala na akala ko noon ay mananatili habang buhay.
Hanggang isang gabi, gumuho ang lahat.
Iniwan kami ni Mama matapos malaman ang pagtataksil ni Papa. Pinili naman ni Papa ang ibang babae at ang bagong pamilyang binuo niya. At ako? Ipinadala sa Batangas upang doon tumira sa lola ko malayo sa kaisa-isang taong naging tahanan ko.
Bago ako umalis, tumakbo siya papunta sa akin, niyakap ako nang mahigpit, at binigyan ng isang bagay na magpapaalala sa kaniya.
At iningatan ko iyon sa loob ng maraming taon.
Ngayon, bumalik na ako.
Pero ang batang iniwan ko noon ay hindi na bata ngayon, at ang damdaming hindi namin naintindihan noon ay hindi na ganoon kasimple ngayon.
Madaling mangako.
Ang mahirap ay ang tuparin iyon.