Tangled Desires

Sa mundo kung saan ang reputasyon ay mas mahalaga pa sa dugo, si Althea ay itinuring na kahihiyan ng sarili niyang pamilya-isang intersex woman na piniling isalba ng kanyang ina, at pinagmulan ng trahedya sa kanilang angkan. Tumakas siya sa mapanghusgang piling ng kanyang ama, lolo, at lola, at sa loob ng tatlong taon ay namuhay nang mag-isa sa Amerika: naging isang Sundalo, doktor, at underground fighter. Matapang, madiskarte, at walang inuurungan, pinatunayan niya ang kanyang halaga sa labas ng gintong hawla ng kanyang pamilya.

Ngunit ang kanyang payapang pamumuhay sa Los Angeles ay biglang magugulo nang tawagan siya ng kanyang kakambal na si Alex - isang tawag na puno ng desperasyon. Si Alex, ang tagapagmana ng isa sa pinakamayamang pamilya sa Pilipinas, ay nakakulong sa isang buhay na puno ng obligasyon at isang arrange marriage na hindi niya gusto.

Sa isang gabing puno ng ulan at lihim, isang kasunduan ang mabubuo sa pagitan ng kambal. Upang makatakas sa lahat ng pressure at makahanap ng kalayaan, hihilingin ni Alex na palitan siya ni Althea sa loob ng isang linggo. Ang misyon ni Althea? Ang magpanggap bilang si Alex Veridian, ang tahimik at sumusunod na anak, sa gitna ng matatalim na mata ng kanyang ama, ng kanyang mapagmahal ngunit inosenteng fiancé na si Olivia, at ng isang misteryoso at mapanuring propesora - si Loraine Alcantara.

Makakaya ba ni Althea na panindigan ang pagpapanggap, manatiling tapat sa kanyang sarili, at protektahan ang kanyang kambal nang hindi nahuhulog sa mga bitag ng pag-ibig, lihim, at pagtataksil na bumabalot sa buhay ng mga Veridian? Sa bawat araw na lumilipas, mas lalong bumibigat ang kanyang maskara, at mas lumalalim ang tanong: Ilang lihim ang kayang itago, at gaano katagal bago bumagsak ang lahat?