Lesson Plan of the Fake Assassin

Isang 32-anyos na Pilipinong guro ang nakipagsapalaran sa Amerika dahil sa kakarampot na sahod sa Pilipinas. Bitbit niya ang sanlibong pasanin bilang breadwinner ng pamilya: nagbabayad ng sandamakmak na utang, nag-aalaga sa mga magulang, at bumubuhay sa limang kapatid. Sa kabila ng patung-patong na problema, hinaharap niya ang araw-araw na trahedya ng buhay nang may katatawanan at nakakaaliw na pananaw.

Ngunit ang buhay niyang puro komedya at dusa ay biglang naging isang mapanganib na action movie. Dahil sa isang nakakatawa ngunit kalunos-lunos na insidente, aksidente siyang napagkamalan bilang ang pinakamagaling at pinakakinatatakutang asasino sa buong mundo, kumpleto sa isang nakakakilabot na alyas. Naiwan siyang nakakulong sa nakakamatay na sitwasyon-hindi siya pwedeng umamin o tumakas, dahil oras na mabisto ang tunay niyang pagkatao, siguradong patay siya.