Shadows of the Ivory Tower

Ang Ivory Tower - ito ang tawag sa pinakamataas at pinaka-sagradong gusali sa loob ng Vampire University. Dito nakatago ang lahat ng lihim, kapangyarihan, at kasaysayan ng kanilang lahi. Sabi nila, ang sinumang makapasok at makaunawa ng mga lihim nito ay makakakuha ng kapangyarihang kayang baguhin ang takbo ng lahat.

Dahil tao si Elara, akala ng lahat ay wala siyang kinalaman dito. Pero habang tumatagal, siya lang ang laging napapansin ang mga kakaibang bagay - mga aninong sumusunod sa kanya, mga bulong na siya lang ang nakakarinig, at mga palatandaan na tila hinihintay siya ng Tore.

Ang pitong makapangyarihang lalaking laging nakabantay sa kanya, sila rin ang nagbabantay sa Tore. May kanya-kanya silang dahilan kung bakit nila siya inaayaw, inaalagaan, o kinatatakutan. Unti-unting lumalabas ang katotohanan: hindi lang basta napasok lang si Elara sa paaralang ito. Siya ang susi. Ang dugong akala niyang simpleng tao lang, ito pala ang matagal nang hinahanap ng lahat - ang dugong makakapagbukas o makakasira sa Ivory Tower magpakailanman.

Sa gitna ng dilim, mga lihim, at damdaming unti-unting nabubuo, kailangan niyang mamili: gamitin ang kapangyarihang dala ng kanyang pagkatao para iligtas sila... o hayaang lamunin sila ng mga aninong nakapalibot sa Tore.