Ten Years between Heartbeats

Sa loob ng sampung taon, nabuhay si Seraphina Sinclair sa isang perpektong mundo. Mayroon siyang magandang karera, mga pangarap na unti-unting natutupad, at isang mapagmahal na kasintahan sa katauhan ni Jayden Park. Isang lalaking nangakong mamahalin siya "in this lifetime and the next." Ang akala ni Phina, hawak na niya ang kaniyang habang buhay.

Ngunit sa isang iglap, gumuho mundong iyon nang magising siya sa loob ng isang malamig na silid sa ospital.

Ang malupit na katotohanan: Naaksidente siya noong labintatlong taong gulang pa lamang siya. Sampung taon siyang nakakulong sa isang malalim na coma. Ang unibersidad, ang mga anibersaryo, at ang lalaking nagngangalang Jayden Park ay isa lamang palang detalyado at masakit na ilusyon na binuo ng kanyang natutulog na utak. Bente-tres na siya ngayon, banyaga sa sariling katawan, at nagluluksa sa pagkawala ng isang taong hindi naman pormal na umiral.

Ngunit paano kung ang panaginip ay hindi lang basta panaginip?

Sa kanyang muling pagbangon, krus ng landas ang nagtagpo nang makita niya ang totoong Jayden Park-isang senior physical therapist na walang ideya kung sino siya, ngunit nagtataglay ng eksaktong mukha, ugali, at maging ng mga personal na gamit na nakita ni Phina sa kanyang coma.

Habang pilit na nagtatayo ng pader si Jayden para layuan ang "delusional" na pasyente, isang nakapanlulumong sikreto ang mabubunyag: sa loob din ng limang taon sa totoong buhay, gabi-gabing binabangungot si Jayden tungkol sa isang umiiyak na babae sa ilalim ng ulan... isang babaeng may eksaktong mukha ni Seraphina.

May mga puso bang nakatadhana talagang magtagpo, kahit pa paghiwalayin ng sampung taon ng tulog at gising? Isang kwento ng paghahanap sa katotohanan sa pagitan ng mga parallel na linya ng alaala at tadhana.

"I spent ten years loving you in my sleep. Now that I'm awake, how do I tell my heart to stop beating for a stranger?"