Whispers Beneath The Tides

Silaya Series #1

Sa Isla ng Liwayway, simple lang ang buhay. Dagat ang bumubuhay sa mga tao roon, at doon na rin umiikot ang buong mundo ni Thalia Tantoco. Tahimik ang isla, maliit ang komunidad, at halos lahat ng tao ay magkakakilala. Kaya nang kumalat ang balitang may mayamang negosyanteng Hapones ang gustong angkinin ang Liwayway at paalisin ang mga nakatira roon, mabilis ding nagbago ang ihip ng hangin sa isla.

Mas lalong naging magulo ang lahat nang malaman ng mga tao na sa maliit nilang paaralan nag-aaral ang anak ng negosyante na si Ryusei Itsuki. Tahimik lang ito, laging mag-isa, at parang walang balak ipaliwanag ang sarili niya kahit saan siya magpunta. Dahil doon, madali siyang naging sentro ng galit ng buong isla lalo na ni Thalia, na pilit ipinapaalala sa sarili niyang wala siyang dahilan para pagkatiwalaan ang isang katulad niya.

Pero habang tumatagal, mas nagiging mahirap para kay Thalia na iwasan si Itsuki. Sa pagitan ng mga tagong usapan, tahimik na pagkikita, at mga bagay na dapat hindi niya hinahayaan, unti-unti niyang napagtatanto na may mga damdaming mas komplikado kaysa galit. At sa isang isla kung saan mabilis kumalat ang sikreto at mabigat ang tingin ng mga tao, alam niyang may mga bagay na kapag nalaman ng lahat, wala nang babalik sa dati.

Date Started: May 21, 2026