Ikaw ang liwanag ko

Sa mundo ni Grace Laviña, lahat ay madaling makuha.

Yaman.

Pangalan.

Atensyon.

Ngunit kahit nasa kanya na ang lahat, isang bagay pa rin ang hindi niya kailanman makuha-

ang puso ng lalaking matagal niyang minahal.

Sa loob ng apat na taon sa kolehiyo, tahimik niyang minahal si Marco Dela Cruz, isang simpleng scholar student na naging espesyal sa kanya dahil tinrato siya nito bilang normal na babae at hindi bilang tagapagmana ng Laviña Corporation.

Ngunit habang pilit niyang pinanghahawakan ang kanyang first love, unti-unti rin niyang mararanasan kung gaano kasakit ang hindi mapili.

Lalo na nang dumating si Samantha Ruiz-

ang babaeng handang yurakan ang damdamin niya para lamang maramdaman na siya ang panalo.

Matapos ang masakit na pagtatapos ng kanyang unang pag-ibig, pilit bumangon si Grace habang hinaharap ang bagong mundo ng negosyo at adulthood.

At doon niya makikilala si Draco Moreau.

Mayaman.

Malamig.

At lalaking tila nawalan na ng interes sa pag-ibig.

Ngunit sa likod ng tahimik nitong personalidad ay isang taong unti-unting magpaparamdam kay Grace na hindi niya kailangang maghabol para mahalin.

Sa pagitan ng sakit ng nakaraan at panibagong simula-

matututunan ni Grace na minsan, ang taong matagal mong hinahabol ay hindi pala ang taong tunay na nakatadhana para sa'yo.

Dahil may mga pagmamahal na dumarating hindi para saktan ka-

kundi para piliin ka araw-araw.