Liham ni Sinta

Si Esperanza Josefina Encarnación Del Rosario, ang itinakdang magmana ng malawak nilang lupain matapos pumanaw ang Don. Sa kaniya ipinangalan ang lahat ng ari-arian, isang desisyong hindi lamang nagdala ng yaman, kundi pati panganib. Kasabay ng pagmana niya ng kapangyarihan ay ang mga taong naghahangad ng kaniyang pagbagsak, at mga bantang unti-unting pumapalibot sa kaniyang buhay.

Upang mapangalagaan ang kaniyang pangalan at mga ari-arian, kailangan niyang magpakasal sa isang lalaking maaaring tumayong kasama niya sa pamamahala.

Ngunit ayaw ni Esperanza ng kasal.

Ayaw niyang itali ang sarili sa isang lalaking pinili lamang para sa kaniya. Hindi niya ito nais!

Ngunit nagbago ang lahat nang makilala niya si Severenitus Huxley, isang misteryosong lalaking bigla na lamang napadpad sa kanilang lupain. Isang lalaking kakaiba kung magsalita, tila nawala sa katinuan sa mga salitang walang sinuman sa kanilang panahon ang nakauunawa.

Ayaw niyang mag-pakasal! subalit bakit niya inaya ang ligaw na lalaki na pakasalan siya nito? Ngunit paano kung ang lalaking pinili niya ay hindi talaga nabibilang sa kaniyang mundo? Paano kung ang mga salitang tila kabaliwan ay katotohanan pala? At paano kung ang pag-ibig ay umusbong dahil lamang sa mga isinulat na liham... isinulat na pag-ibig na hindi kailanman dapat umiral?