THE LOVE CAMPAIGN

Dalawa lang ang goal ni Raizalyn Dimagiba sa buhay: Manalo bilang presidente ng student council at maka-survive sa delubyo na hatid ng Senior High School na buo ang kaniyang laman-loob.

Pero lahat ay naging imposible nang pumasok sa eksena ang lalaking ni sa hinagap ay ayaw niyang makilala; si Rule Batumbakal.

Kilala ang lalaki sa masamang reputasyon nito sa Central High campus, lalong-lalo na sa Guidance office. Pero isang milagro mula sa langit na humabol sa pagka-kandidato sa pagka-presidente ng student council ang lalaki.

Akala ni Raizalyn, hanggang doon lamang ang pang-iinis nito. Ngunit ang hindi niya alam, nagsisimula palang ito sa kaniyang hidden agenda.

Kung ano man iyon, hindi niya alam. Basta ang alam niya, kinamumuhian niya si Rule.