Maybe In Another Summer? (A Collection Of Jayciiwrytes' Confessions To Roel)

Hi!

Hindi ito story. Mga confessions ko ito para kay Roel--mga bagay na hindi ko kayang sabihin nang diretso sa kanya.

Kung nabasa niyo ang Forbidden Summer, si Roel ang male lead doon at ako naman ang main lead. Pero tulad ng ibang stories, may mga parte roon na binago ko. May mga pangyayaring isinulat ko lang dahil gusto kong maranasan, kahit alam kong hindi naman nangyari sa totoong buhay.

Sa realidad, walang gusto sa akin si Roel. Hindi katulad ng nasa Forbidden Summer.

Kaya ginawa ko itong "Maybe in another Summer?" Dito ko ibubuhos lahat--kung paano ako unti-unting nahulog sa kanya, kung paano ako natakot sa nararamdaman ko, kung paano ako nasaktan sa mga bagay na hindi naman niya alam, at kung paano ko piniling lumayo kaysa aminin ang lahat.

Isa akong author na mas kayang magsulat kaysa mag-confess.
Mas kayang kimkimin ang nararamdaman kaysa sabihin.
At minsan, mas pinipiling umiwas kaysa masaktan.

Overthinker ako.
At siguro... duwag din pagdating sa pag-ibig.

Anyway, kung gusto niyo pong basahin at samahan akong mag-relapse habang sinusulat ko ang mga bagay na hindi ko masabi sa kanya, malaya kayong basahin ito.

Kung hindi niyo naman bet ang sobrang personal na kwento, baka mas magustuhan niyo ang Forbidden Summer.

Thank you!