My Pet Doctor is a Mafia

Sa edad na bente-singko, sapat na ang stress ni Eluvin Dizon.

Bilang assistant ng dean sa School of Graduate Studies, araw-araw niyang problema ang thesis na hindi matapos-tapos, graduate students na halos umiyak na sa opisina niya, professors na akala mo sila ang may-ari ng mundo, at deadlines na parang gustong pumatay ng tao.

Ang tanging pahinga niya?

Ang alaga niyang aso.

Kaya nang magkasakit ito, wala siyang choice kundi dalhin iyon sa isang veterinary clinic.

Doon niya nakilala si Zhen Lim, isang veterinarian na tahimik, nakakainis na maayos, at masyadong gwapo para magmukhang totoong tao.

Sa una, akala ni Eluvin isa lang itong dedicated na doctor ng hayop na sobrang seryoso sa trabaho. Pero habang tumatagal, may mga bagay na nagsimulang hindi magmukhang normal kay Zhen, lalo na nang mapansin niyang tila may kung anong bigat ang presensya nito na kayang patahimikin kahit ang pinaka-magulong tao sa paligid.

Bakit parang laging nawawala ang aso niya para pumunta sa clinic nito?

Bakit biglang naaayos ang mga problema niya sa trabaho?

At bakit parang takot ang mga tao kay Zhen?

Hanggang sa isang araw, aksidente niyang nadiskubre ang sikretong pilit itinatago ni Zhen Lim... hindi lang ito veterinarian kundi isang mafia na kinatatakutan ng marami.

At sa halip na ang panganib ang unang isipin, isang mas mahalagang tanong ang bumabagabag ngayon kay Eluvin... bakit parang mas attached pa ang aso niya rito kaysa sa kanya?