Haqeeqi aur faani

بسم اللہ الرحمٰن الرحیم

میں اس اللہ کے نام سے آغاز کرتا ہوں جو نہایت مہربان اور بے حد رحم فرمانے والا ہے۔
وہی ذات ہے جو دلوں کو سکون دیتی ہے، امیدوں کو زندہ رکھتی ہے اور انسان کے اندر وہ طاقت پیدا کرتی ہے جو اسے اندھیروں سے روشنی کی طرف لے جاتی ہے۔
وہی رب ہے جو قلم کو روانی دیتا ہے، الفاظ میں تاثیر پیدا کرتا ہے اور انسان کے دل میں چھپے احساسات کو صفحۂ قرطاس پر منتقل کرنے کی توفیق عطا کرتا ہے۔
یہ کہانی "حقیقی اور فانی" صرف دو انسانوں کی محبت کی داستان نہیں، بلکہ ایک ایسے سفر کی جھلک ہے جس میں انسان دنیا کی فانی محبتوں اور اللہ کی حقیقی محبت کے درمیان فرق کو سمجھنے لگتا ہے۔
کبھی انسان کو لگتا ہے کہ زندگی کی سب سے بڑی حقیقت کسی انسان کی محبت ہے، مگر وقت کے ساتھ اسے یہ احساس ہوتا ہے کہ ہر فانی چیز کے پیچھے ایک حقیقی حقیقت موجود ہے۔
یہ ناول اسی تلاش کی داستان ہے-
ایک ایسی تلاش جس میں دل، عقل اور روح تینوں شامل ہو جاتے ہیں۔
اگر اس کہانی کے کسی حصے میں آپ کو اپنی زندگی کی جھلک محسوس ہو،
اگر کسی لفظ میں آپ کو اپنے دل کی آواز سنائی دے،
تو سمجھ لیجیے کہ یہ سب اسی رب کی عطا ہے جس کے نام سے اس سفر کا آغاز کیا گیا ہے۔