Yesterday Until Every Tomorrow

You know that feeling when it seems like the world hates you so much, and you think you never did anything right... but somehow, you found a home, assurance, comfort, and security in one person?

Mahirap ang naging buhay nina Jeshca Naevancy at ng ate niya. Bata pa lang sila nang kinailangan silang iwan ng kanilang ina para makipagsapalaran sa ibang bansa at maghanap ng pera. Sa murang edad, natuto na silang kumilos at tumayo sa sarili nilang mga paa.

At tulad ng karamihan, nang magdalaga si Jeshca ay natutunan din niyang magkagusto sa isang lalaki--isang taong magsisilbing isa sa mga inspirasyon niya para patuloy na lumaban sa buhay, at kalaunan ay sasamahan siya sa laban na iyon.

Ngunit hindi natin hawak ang mangyayari kinabukasan. May mga pangyayaring darating nang hindi inaasahan--mga bagay na guguluhin ang mga plano at hahatakin sa magkaibang direksyon ang dalawang taong minsang sabay nangarap.

Pero sa kabila ng lahat ng pagsubok, may mga bagay na hindi madaling mabura.

May mga alaalang mananatili, mga pangyayaring mag iiwan ng bakas ng nakaraan. May mga damdaming kahit ilang taon ang lumipas, hindi tuluyang nawawala.

Because some people become part of your yesterday... and somehow remain in every tomorrow.