AMARI: ANG BABAENG NILIMOT NG PANAHON

Ako si Amari. Sabi nila, ang pangalan ko raw ay ibig sabihin: walang hanggan."

Pero hindi nila alam... ang walang hanggan, hindi laging biyaya.

Minsan, isa itong parusa na hindi nauubos-
hindi natatapos-

hindi ka pinapatay... pero hindi ka rin hinahayaan mabuhay nang buo.

Nakita kong bumagsak ang mga lungsod na hindi na matandaan ang pangalan.

Nakita kong nagbago ang mundo nang paulit-ulit, habang ako nananatiling pareho.

Hindi ako tumatanda.

Hindi ako nawawala.

Pero lahat ng minamahal ko nawawala.

isang ritwal na hindi dapat nangyari.

Isang sumpa na isinilang mula sa galit, takot, at pusong tinanggihang mahalin.

"Ang batang isisilang ay mabubuhay nang walang hanggan.

Ngunit bawat pusong kanyang mamahalin, ay itatakda sa unti-unting pagguho."

Kaya natuto akong magpalit ng pangalan.
Magpalit ng mukha.

Magpalit ng buong buhay-kahit alam kong wala namang takas.

Hanggang sa dumating si Liam.

Hindi siya una.

Hindi siya espesyal.

Pero sa unang pagkakataon sa loob ng napakahabang panahon... may isang bagay sa kanya na parang pamilyar.

Parang kapahamakan na alam na alam ng kaluluwa ko.

Sa bawat tawa niya, unti-unting bumabalik ang isang bagay na matagal ko nang inilibing- pag-asa.

At kasabay noon ang takot.

Dahil ang dugong dumadaloy sa ugat niya...
ay dugong nagsimula ng lahat ng ito.

Ngayon, alam ko na ang katotohanan ay hindi lang magwawasak sa kanya.

Ito ang magtatapos sa akin.

O sa wakas... magpapalaya.