Khayal Tera

Yeh kahani hai khoobsurat shehar Udaipur ki, jahan har gali, har mahal aur har lake ke saath kuch yaadein judi hui hain... aur kuch naye rishtey banne wale hain.
Yeh kahani hai Kartik Goenka aur Naira Singhania ki-do aise log jo pehli hi mulaqaat mein ek dusre se takra gaye the, bina jaane ki unki zindagi ek din kitni gehri tarah se judne wali hai.
Naira Singhania, mashoor businessman Naitik Singhania aur Akshara Singhania ki beti hai. Woh ek college-going student hai-sharp, independent aur apne decisions khud lene wali ladki, jo apni zindagi apne tareeke se jeena chahti hai.
Kartik Goenka, Manish Goenka aur Swarna Goenka ka beta hai. Uski dadi Suhashini Goenka ek bohot respected charity worker thi, jinki poori shahar mein izzat hoti hai. Kartik ek talented aur disciplined college professor hai, jo apni professionalism aur strict nature ke liye jaana jaata hai.
Pehli mulaqaat mein Naira ko yeh nahi pata hota ki Kartik uska professor hai... aur usi misunderstanding mein dono ke beech ek chhoti si takraar ho jaati hai.
Lekin jab Naira ko sach pata chalta hai, ki jis insaan se woh lad padi thi woh uska professor hai... toh woh apni galti ko bahut softly, bahut respect ke saath maanti hai.
Aur yahin se shuru hoti hai ek aisi kahani... jisme takraar bhi hai, respect bhi... aur dheere-dheere badhne wali ek anjaani si feeling bhi.