Kumpas Series #4: Tagpuan

"Karmic Relationships. May mga taong dumaraan sa buhay natin na parang kumpas-sila ang magtuturo sa daang tatahakin natin, ngunit kapag natagpuan na natin ang landas na iyon, ay wala na silang dahilan upang manatili pa."

Hindi naniniwala si Damara sa tadhana.

Para sa kanya ay nakikilala natin ang mga tao ayon sa kanilang layunin o misyon sa ating buhay. Kapag natapos na nila ang layunin nila ay tuluyan na silang mawawala at hindi na muli pang magtatagpo ang inyong mga landas.

Minsan ay paunti-unti-mabagal at tahimik. Hindi mo mamamalayang wala na siya.

Minsan ito ay masakit, ngunit kailangan mo silang bitawan.

Gaya na lamang ng nangyari sa kanila ng kababata niyang si Coco na hindi na niya muling nakita pa mula nang magkahiwalay sila ng landas sa kanilang tagpuan, sampung taon na ang nakararaan.

Ngunit hindi pa rin ba siya maniniwala sa tadhana kung malaman niya na ang lalaking kinabubwisitan niya at karibal niya sa maraming bagay na si Spencer Conrad ay ang kanyang kababatang si Coco pala?

Tadhana bang maituturing kaya sila muling pinagtagpo, o sadyang hindi pa tapos ang layunin nila sa buhay ng isa't-isa?

Dadalhin kaya sila muli ng kumpas patungo sa kanilang tagpuan?

©peculiarlullaby.2026