There's Something Wrong with my Husband (COMPLETED)

Dalawang taon matapos ang kanilang diborsyo, tuluyan nang iniwan ni Elizabeth ang nakaraan at sinubukang buuin muli ang kanyang buhay. Ngunit isang tawag ang muling gumising sa mga sugat na pilit na niyang kinalimutan, naaksidente ang kanyang dating asawa at nasa kritikal na kondisyon.

Pagkaraan ng ilang linggo, nagising ang lalaki... ngunit wala itong maalala. Ang huli niyang alaala ay ang panahong masaya pa silang mag-asawa at hindi pa sila naghihiwalay

Dahil sa payo ng doktor at sa isang alok na hindi niya kayang tanggihan, napilitan si Elizabeth na bumalik sa bahay na minsan nilang tinawag na tahanan. Ngunit habang lumilipas ang mga araw, napapansin niyang may kakaiba sa dating asawa. Mga ugaling hindi niya nakasanayan. Mga lihim na hindi nito maipaliwanag. At mga pangyayaring tila unti-unting sumisira sa kanyang buhay.

Habang pilit niyang hinahanap ang katotohanan, isang tanong ang patuloy na gumugulo sa kanyang isipan: Bakit pakiramdam niya ay hindi na niya kilala ang lalaking nasa kanyang harapan?

Sa isang bahay na puno ng alaala at mga lihim, kakailanganin ni Elizabeth na tuklasin ang katotohanan bago pa tuluyang mawala ang lahat sa kanya, kasama na ang kanyang katinuan.

Dahil minsan, ang pinakanakakatakot na estranghero... ay ang taong minsan mong minahal.