Dərs

Azər söhbətcil, mehriban hərkəslə yaxşı yola gedən oğlandır. Gələn şikayətlər və danlaqlara baxmayaraq çox xoşbəxtdir.

Dərslərində çox zəif olan və avara kimi tanınan Azər hər gün valideynlərinin danlağına məruz qalır. Davranışları ucbatından "ad çıxarmış" olan oğlan heç bir müəllim tərəfindən qəbul edilmir.

Sonuncu ilində olan Azər bu il imtahan verməlidir. Amma heç hazır deyil.

Evlərini dəyişən Azər danlaqlardan xilas olmaq üçün anasının məcburiyyəti ilə qonşusunun uşağının ona dərs öyrətməsinə razı olur.

Bilmədiyi şey isə ona dərs öyrədəcək uşaq düşündüyü kimi oğlan deyil. Məktəbin ən səssiz qızı olaraq tanınan, heç kimlə ünsiyyət qurmayan, indiyə kimi yolda görəndə salam da vermədiyi sinif yoldaşı Fərizədir.

Son şansı olduğu üçün Fərizə ilə yaxşı yola getməli və dərslərini düzəltməlidir. Fərizə isə səhvi qəbul etmir və ilk səhvində onu öyrətməkdən imtina edəcəyini deyir.

Azər lovğa və özündənrazı olduğunu düşündüyü qız ilə necə davam edəcək?

🪷

Azərbaycan dilində ilk dəfə yazıram. Öz dilim olduğu üçün səhv etməkdən çəkinməyimə görə uzun müddətdir istəməyimə baxmayaraq yazmağa cəsarət edə bilmirdim.

İlk dəfə Türk dilində yazmağa çalışıb, məktəb həyatlarını doğru şəkildə yaza bilməyəcəyimi başa düşdükdən sonra Azərbaycan dilində yazmağa qərar verdim.

Türk versiyası ilə arasında ciddi fərqlər var.

Fərizənin dünyasını və düşüncələrini bilməyiniz üçün yazacağım bir neçə bölüm xaricində bütün bölümlər Azərin dilindən nəql ediləcək.

Şans verəcək olanlara xoş oxumalar. Ümid edirəm bəyənərsiniz.🎀✨