Rich And Roots

"Lahat ng bagay at tao ay kaya kong tapakan... maliban sa putik ng probinsyang 'yan."

Si Patrixia Fontanilla ay isang Billionaire Heiress na nabubuhay sa ginto, mamahaling yate, at kapangyarihan. Siya ay maganda, ngunit may pusong kasing lamig ng yelo at ugaling mas mapait pa sa mundong ilalim. Sanay siyang magpaalis ng tao sa isang kurap lang ng mata, at walang sinumang may lakas ng loob na banggain siya.

Daan-daang kilometro ang layo, sa isang tahimik at payapang baranggay, namumuhay ang kanilang "Prinsesa"-si Freenisha. Isang dalagang may kagandahang tila sariwang hangin, busilak ang puso, at handang maging kalasag ng mga mahihirap. Mayaman siya sa pagmamahal ng mga tao at kuntento sa simpleng yaman ng lupang sinilangan.

Ngunit isang tawag mula sa makapangyarihang ina ni Patrixia ang puputol sa distansya ng kanilang mga mundo. Ang reyna ng karangyaan ay mapipilitang bumaba sa lupang labis niyang kinasusuklaman-ang agrikultura.

Ano ang mangyayari kapag ang isang matapobreng bilyonaryo na sanay mandiri sa putik ay nakatagpo ang isang anghel ng kabukiran na hindi natatakot lumaban? Kaya ba ng isang dalisay na pag-ibig na tunawin ang pader ng yelo, o isang mapangwasak na bagyo ang idudulot ng kanilang pagtatagpo?

Kapag ang Ginto ay humalik sa Lupa... sino ang susuko, at sino ang magpapakumbaba?