The Boy Who Was Never Alive

"Some places don't just keep secrets. They keep souls."

Para sa dalawampu't apat na taong gulang na si Kara, ang paglipat sa Sitio San Roque ay ang simula ng isang tahimik at payapang buhay kasama ang kanyang mga magulang. Malayo sa ingay ng siyudad, napapaligiran ng masukal na kagubatan, at nababalot ng walang katapusang ambon. Subalit ang katahimikan ng bayan ay may kaakibat na kakaibang kilabot. Ang mga kapitbahay ay labis na misteryoso, at ang bawat sulok ng kanilang bagong tahanan ay tila may lihim na binubulong sa dilim.

​Sa gitna ng kanyang kalituhan, nakilala niya si Troy-isang lalaking halos kaedad niya na nakatira sa katabing abandonadong mansyon. Sa bawat pagkakataong magkasama sila sa ilalim ng ulan, unti-unting nahuhulog ang loob ni Kara sa mailap ngunit maalagang binata. Si Troy ang naging sandalan niya sa lumalalang takot sa bayan.

​Ngunit paano kung ang tanging taong nagpaparamdam sa iyo na buhay ka... ay matagal na palang patay?

​Habang unti-unting natutuklasan ni Kara ang katotohanan sa pagkatao ni Troy, mas lalong lumalalim ang misteryo ng Sitio San Roque. Sa bawat hakbang paitaas, isang madilim na katotohanan ang mabubunyag: hindi lang basta nagpapakita sa kanya si Troy. May dahilan kung bakit siya ang napiling makakita rito. At ang sumpang nagbibigkis sa kanila ay mas matindi pa sa kamatayan.

"He's not supposed to be here... but he never left."