JODAH

Ƙirƙirarren labarin tarihi na sarauta a shekarar 728AH-1350AD

Mulki Yanci Bauta Ɗaukaka Talauci,Rayuwa.

......dukka abubuwane da suka kebanta a madubin mahangar ɗan adam shi kaɗai,bawai ta yanda mahaliccinsa kan ganinsa ba

Akwai duniyar da ba a auna darajar mutum da zuciyarsa ... saidai da asalinsa.

A wannan duniya, sarauta ita ce iko. Haihuwa ita ce makoma. Kuma bauta... hukuncine da mutum bai aikata laifin da ya cancance shi ba.

Wasu an haife su cikin fadodi masu cike da zinariya, suna rayuwa cikin yalwa da kariya. Wasu kuma an haife su cikin sarƙoƙi, inda mafarki ya zama laifi, kuma bege ya zama abin yazama abin Tuhuma.

A wannan duniyar ce JODA ta buɗe idonta.

Ba ta da gata. Ba ta da suna. Ba ta da wanda zai ɗaga ta.

Abin da take da shi kawai shi ne zuciyar da ta ƙi yarda da ƙaddarar da duniya ta rubuta mata.

Yayin da wahala ke ƙara nauyi, zuciyarta kan ƙara ƙarfi. Yayin da rayuwa ke ƙoƙarin rushe wa, a lokacin take sake tashi. Kowane hawaye ya zama darasi. Yayinda Kowace faɗuwa ta zama matakin hawa na rayuwa.

Ta fahimci cewa ba kowane sarki ake haifa ba... wasu wahala ce take gina su.

Wannan ba labarin yarinya ba ne kawai.

Labari ne na gwagwarmaya tsakanin iko da gaskiya. Tsakanin masu mulki da waɗanda ake bautar da su. Tsakanin duhun zalunci da hasken bege.

JODA.

Labarin yarinyar da ta fito daga ƙasa ba tare da wani gata ba, amma ta yi yaƙi da ƙaddara domin neman 'yanci, mutunci, da hasken da ta daɗe tana nema.

Domin a kullum shi haske ya fi haskakawa bayan mafi tsananin duhu ya bayyana.