وحيدي

"بيقولوا إن أصعب حاجة في الحب مش إنك تحب... أصعب حاجة إنك تستنى. تستنى شخص يمكن القدر يكون كاتبله طريق غير طريقك، أو تستنى لحظة تحس فيها إن كل اللي فات كان مستاهل.

أنا قابلته في وقت مكنتش بدور فيه على حد. كنت فاكرة إن قلبي قفل بابه، وإن أي حد هيخبط عليه مش هيسمع غير الصدى. لكنه دخل من غير استئذان... بابتسامة بسيطة، وكلمتين عاديين، وقدرة غريبة إنه يطمني وأنا حتى معرفوش.

في الأول كنا مجرد أصحاب. كلامنا كان بيبدأ بسؤال صغير وينتهي بعد ساعات. كنت بستغرب إزاي اليوم يعدي بسرعة وهو موجود، وإزاي الدقيقة تبقى تقيلة لما يختفي.

لكن الدنيا مبتديش الحلو بسهولة.

كنت كل ليلة أمسك الموبايل، أفتح المحادثة، أقرأ كلامنا القديم، وأقفل من غير ما أكتب حرف. كان عندي ألف رسالة نفسي أبعتها، لكن كان عندي مليون سبب يمنعني.

بس عرفت إن الحب الحقيقي عمره ما كان طريق سهل... لكنه دايمًا، يستحق عشان دايماً الحب الصادق بيسيب جوانا حاجة حلوة متتنسيش .

" وحيدي "