THREE STRIKES: ANINO NG KATARUNGAN

Sa isang bansang unti-unting nilalamon ng korapsyon, tila wala nang natitirang pag-asa. Ang mga makapangyarihan ay patuloy na yumayaman habang ang mga inosente ang nagdurusa. Ang batas ay nabibili, ang hustisya ay ipinagpapalit sa salapi, at ang katotohanan ay unti-unting nalulunod sa kasinungalingan.

Ngunit sa likod ng dilim, may isang pangalang kinatatakutan ng lahat.

THREE STRIKES.

Isang lihim na organisasyong pinamumunuan ng misteryosang babaeng kilala lamang bilang Nyx. Hindi sila umaatake nang walang dahilan. Bawat taong mapapatunayang lumabag sa batas o gumamit ng kapangyarihan para sa pansariling interes ay tatanggap ng tatlong babala. Ang bawat strike ay pagkakataong ituwid ang pagkakamali-ngunit habang papalapit ang ikatlong strike, papaliit nang papaliit ang tsansang makaligtas sa sariling kasalanan.

Habang dumarami ang mga lihim na operasyon at lumalalim ang mga pagsasabwatan sa loob ng gobyerno, natuklasan ni Nyx na ang pinakamalaking kaaway ay hindi lamang ang mga corrupt na opisyal. May isang taong matagal nang kumokontrol sa lahat mula sa likod ng mga anino-at konektado ito sa kanyang sariling nakaraan.

Sa pagitan ng katarungan at paghihiganti, hanggang saan ang kayang isakripisyo ng isang lider?

At kapag ang mismong tagapagtanggol ng bayan ang naging target, sino pa ang maiiwang magtatanggol sa katotohanan?

Three Strikes: Ang Anino ng Katarungan ay isang kapanapanabik na political thriller na puno ng lihim, aksyon, matitinding plot twist, at mga desisyong susubok sa hangganan ng moralidad. Sa mundong ang bawat kilos ay may kapalit, isang tanong lamang ang mananatili:

Kapag nabigo ang batas, sino ang dapat humatol?