BILLIONAIRE'S OBSESSION - WITH OFFICIAL AUDIOBOOK

Gusto lang namang magbakasyon ni Tamara Catapang sa Nasugbu upang mabawasan ang kanyang stress sa trabaho. Ngunit sa isang mamahaling resort, sinalubong siya ng sunod-sunod na kamalasan: iniwan siya ng bangka habang jume-jebs sa bakawan, nalaman niyang nakabuntis ng iba ang ka-MU niya, at nawala pa ang kaniyang wallet at cellphone. Nagkautang siya sa bar kung saan siya nagpakalunod sa alak upang sandaling makalimot.

Ang tanging sumagip sa kaniya ay si Pierro Solana-ang bilyonaryong may-ari ng resort na sinupsop niya ang nguso sa pag-aakalang nalunod ito. Ang kanilang muling pagtatagpo sa bar ay nauwi sa halikan na muntik mauwi sa kama. Subalit ginambala sila pagyanig ng lupa na para bang maging ang tectonic plates sa ilalim ng lupa ay tutol sa pagsasanib-puwersa nila.

Upang mabayaran ang bill na sinagot ng binata, isinama siya ni Pierro sa private villa nito upang gawing tagalinis-na hindi naman nangyari dahil mas madalas pa siya nitong landiin keysa alilain. At doon, walang sakuna na gagambala sa kanilang mainit na bakbakan. Bumigay sa wakas ang puso at katawan ng isang Tamara Catapang.
Pero kaya ba niyang patawarin ang bilyonaryo kapag nalaman niya na ito pala ang nagtago ng wallet at phone niya para lang hindi siya makaalis sa tabi nito?