A HEART AGAINST THE THRONE

"Some people inherit wealth. Others inherit power. She inherited both... along with the sins of her family."

Sa loob ng Republic Crest University, isang prestihiyosong paaralan na kilala sa paghubog ng mga susunod na senador, gobernador, abogado, at pinuno ng bansa, hindi lang grades ang pinaglalabanan. Dito, bawat boto ay may halaga, bawat salita ay maaaring maging sandata, at bawat lihim ay kayang sumira ng isang pangalan.

Si Zaria Selene Monteverde, ang unica hija ng pinakamakapangyarihang political dynasty sa bansa, ay buong buhay na hinusgahan dahil sa apelyidong dala niya. Para sa lahat, isa lang siyang anak ng isang corrupt na pamilya. Isang babaeng isinilang sa pribilehiyo. Pero ang hindi nila alam... araw-araw niyang pinapangarap na makalaya sa mundong hindi naman niya pinili.

Samantala, si Gavin Rhys Valdez ay isang Political Science student at kilalang student activist na buong pusong lumalaban sa katiwalian. Matapos masira ang buhay ng kanyang pamilya dahil sa mga tiwaling politiko, isinumpa niyang hindi kailanman magtitiwala sa sinumang may dugong politiko-lalo na sa pamilyang Monteverde.

Ngunit paano kung ang taong pinakaayaw niya... ang siya ring babaeng unti-unti niyang mamahalin?

Habang umiinit ang Student Council elections, lumalalim ang mga sikreto, lumalakas ang mga akusasyon, at lumalaki ang digmaan sa pagitan ng kapangyarihan at katotohanan. Kasabay nito ang pag-usbong ng isang pag-ibig na parehong ipinagbabawal at mapanganib.

Sa mundong ang bawat tao ay may itinatagong agenda, sino ang tunay na kalaban? Ang politika ba... o ang sariling puso?

Dahil minsan, ang pinakamahirap labanan ay hindi ang gobyerno... kundi ang taong mahal mo na kabilang sa pamilyang sinumpaan mong kamuhian.

Will love be enough to change a corrupt throne... or will the throne destroy love first?