When the Extra Rewrites Destiny

Isang ordinaryong make-up artist si Ariana Villareal, kilala sa social media dahil sa kaniyang creative transformations, mabilis na bibig, sarcastic na sense of humor, at kakaibang talino pagdating sa politics at history. Ngunit lingid sa kaalaman ng iba, bihasa rin siya sa self-defense at iba't ibang combat techniques dahil lumaki siyang nagsasanay kasama ang kaniyang ama.

Isang araw, matapos ang mahabang trabaho, nagising na lamang siya sa katawan ng isang babaeng pamilyar na pamilyar sa kaniya. Hindi bilang pangunahing bida. Hindi bilang kontrabida.
Kundi bilang isang nakakalimutang side character sa paborito niyang novel.

Siya ngayon si Lady Aria Ashbourne, ang bunsong anak ng isang marquess. Isang mahiyain at laging minamaliit na noble lady na kilala dahil sa luma nitong pananamit, kawalan ng kumpiyansa sa sarili, at pagiging invisible sa lipunan. Ayon sa orihinal na kuwento, wala siyang mahalagang papel at mawawala lamang siya sa kasaysayan. Pero hindi iyon papayagan ni Ariana.

Sa tulong ng kaniyang kaalaman sa magiging takbo ng kuwento, husay sa make-up at fashion, matalas na isip sa politika, at lihim na combat skills, unti-unti niyang babaguhin ang kapalaran ng side character.

Habang sinusubukan niyang umiwas sa mga pangunahing tauhan upang hindi magulo ang orihinal na istorya...

Tatlong makapangyarihang lalaki ang isa-isang nahulog ang loob sa kaniya.

Ang batang hari na kilala sa pagiging malamig ngunit matalinong pinuno.

Ang walang talong heneral ng imperyo.
At ang guwapong anak ng isang duke na sikat sa buong kaharian.

Ang gusto lang niya ay mabuhay nang tahimik. Pero paano kung ang side character... ang siyang maging sentro ng buong kuwento?